恭喜舊愛栢芝產子 東東︰三條King配我一對Queen

　　【晴報專訊】陳曉東昨日擔任節目嘉賓，對於舊愛張栢芝誕下第三個兒子，東東不但沒有避忌，而且即時連聲恭喜對方，他更笑言自己兩名女兒跟栢芝三個兒子加起來就是「King葫蘆」，十分搞笑。

近日忙於籌備紅館個唱的東東，透露屆時會以勁歌熱舞回饋歌迷。

　　東東昨日應邀出席周家蔚和劉永健主持的ViuTV節目《友枱VIP》擔任嘉賓，東東笑指自己廚藝一般，最拿手是煲雞湯，他又透露與太太剛結婚時，一日三餐都是由太太主理。東東與舊愛栢芝於01年分手後，再見亦是朋友，對於栢芝剛誕下第三名兒子，東東聞言亦大方送上祝福，他說︰「承認咗？恭喜恭喜！佢依家屋企三條King，我一對Queen，我哋加起嚟就係King葫蘆。（再生變三條Queen？）順其自然。（想追個仔？）我無呢方面壓力，兩個女都好可愛。」

　　將於明年三月首次踏足紅館開演唱會的東東，透露正忙於籌備個唱︰「距離上次喺香港開演唱會已經有十年，之前喺澳門同台灣開過巡唱，今次香港嘅個唱編排會完全唔同。」由於東東有多首很Hit的90年代快歌，所以預告今次紅館個唱會跳舞，他表示︰「我平時會拒絕唱快歌，但今次為表誠意，唱快歌係我同歌迷嘅約定。」東東亦透露兩名囡囡會到場支持，會否安排囡囡上台？他謂︰「佢哋真係好有表演慾，依家又學跳舞、鋼琴同戲劇，都要問下佢哋檔期得唔得閒。」

粉絲新加坡捕獲栢芝

栢芝昨日在新加坡shopping時被粉絲野生捕獲。

　　至於栢芝日前宣布第三胎「小王子」滿月後，前日便帶兩名兒子Lucas和Quintus飛新加坡過聖誕，而昨日就有粉絲在當地一個購物商場巧遇栢芝，身穿紅色外衣的栢芝雖然產後不久，但身形依然很弗，粉絲主動上前要求合照，她都一口答應，還舉起V字手勢，(o氹)得粉絲開心不已。

轉載自: 晴報

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇