暈倒入院檢查身體 呂慧儀：囝囝以為我去Staycation

　　【晴報專訊】身為單親媽媽的呂慧儀獨力照顧兒子，加上忙拍處境劇《愛‧回家之開心速遞》，日前疑因缺乏休息而在街上暈倒，幸好檢查後身體並無大礙。她昨日精神奕奕出席宣傳活動，笑言《愛‧回家》拍到2,000集都沒問題。

 

呂慧儀昨日精神奕奕現身，她表示現時會注意飲食習慣及多做運動。

 

　　呂慧儀日前在街上暈倒，擦損手腳及膊頭而入院檢查，她昨日出席《愛‧回家》邁向1,500集慶祝活動時，重提當日暈倒經過：「當日我湊仔，我同其他媽媽級朋友去架車攞嘢，突然眼前黑黑地，好彩兩個朋友扶住我。第二日我都照開工，但安全起見都去醫院檢查，照過心臟同腦都無事，只係胃有少少發炎，醫生話我食唔定時或者工作壓力大所致，自此我都注意飲食習慣。」

 

謝嘉怡嫌自己表情未夠誇

 

呂慧儀兒子「蟹籽」以為媽咪入院是住酒店度假，天真可愛。

 

　　問到囝囝「蟹籽」是否很擔心媽咪？呂慧儀搞笑說：「阿仔見我住醫院，以為我去咗staycation，佢嚟醫院探我嘅時候仲主動話要留低陪我，真係大吉利市！」她笑言現時每天跟兒子散步強身健體，又希望《愛‧回家》再破紀錄，拍到2,000集。

 

謝嘉怡正努力練習廣東話及演技。

 

　　同場的謝嘉怡（Lisa）早前加入《愛‧回家》劇組，她笑言已慢慢適應拍劇節奏：「我覺得喺表情方面可以再誇張啲，但自己中文唔好，講對白配合面部表情有困難，好彩同劇嘅前輩好好，會教我點演戲。」Lisa表示幸好爸爸陪她練習廣東話，亦希望有時間跟老師學習演戲。

 

轉載自: 晴報

• 

【與拍賣官看藝術】東南亞藝術市場是下一個熱點？一探各地獨特及吸引之處！► 即睇