傳買婚戒娶湯洛雯 馬國明疑將軍澳築愛巢 驚變黃心穎鄰居

　　【晴報專訊】馬國明和湯洛雯（靚湯）去年六月公開認愛至今，多次傳出好事近，昨日再傳出馬明已訂製婚戒，準備明年迎娶靚湯。本報收到可靠消息，近日馬明和靚湯雙雙搬進將軍澳某私人屋苑，疑似築新婚愛巢；但最驚爆的是，馬明舊愛黃心穎與緋聞男友泥鯭（黎萬宏）亦居於同一屋苑，新歡舊愛變成左鄰右里，果然世界真細小。

 

 

　　47歲的馬國明與34歲的湯洛雯拍拖一年多，不時被拍得外出甜蜜約會，又以情侶檔姿態現身公開活動放閃，感情如膠似漆；有關兩人好事近的消息不斷瘋傳，有傳馬明向靚湯求婚成功，又傳兩人會搬入靚湯19年購入的馬鞍山雲海別墅等，不過兩口子斷然否認。昨日，有報道指馬明已向高級珠寶品牌卡地亞訂製婚戒，而兩人新劇的拍攝工作亦於下月完成，估計二人能趕及明年初拉埋天窗，靚湯亦可於35歲生日前，正式成為馬太，但靚湯回應傳媒時否認婚訊。

 

傳出婚訊當宣傳劇集

 

馬明和靚湯日前春風滿面出席無綫節目巡禮，看來真是好事近。

 

　　對於秘密訂製婚戒傳聞，馬明昨日回應《晴報》時表示︰「幾好笑，可能我有劇出街，大家幫我造啲新聞，多謝大家關心，其實我哋都講過，我哋有啲咩都會講，唔需要大家去估，不過唔緊要啦，當宣傳啦，希望大家繼續睇我依家出緊街嘅劇集。」再問到可有結婚計劃？馬明續說︰「呢排好忙，一個劇接一個劇，佢（靚湯）都忙，佢嚟緊都開劇，總之有啲咩，我哋會同大家講，thank you！」至於是否搬入將軍澳與靚湯同居？馬明只稱︰「突然多咁多新聞嘅？可能真係有劇出。」

 

鄭嘉穎未聞老友結婚

 

靚湯和心穎曾是好姊妹，但自從靚湯認愛馬明後，兩人已無聯絡。

 

　　然而，本報收到可靠消息，據知馬明及靚湯遷入將軍澳私人屋苑海翩滙，更有人目擊馬明到該屋苑辦理住戶證及車位，該屋苑極可能是他與靚湯的新婚愛巢。馬明回覆本報時既不承認也不否認，只表示︰「都係嗰句啦，多謝大家關心，真係有嘢我哋會自己宣布。」不過，最令人愕然的是，據知黃心穎與緋聞男友泥鯭亦同住該屋苑，他們拍拖初期已搬入該處，馬明及靚湯則後來「居」上；對於可能與舊愛心穎成為鄰居，馬明雖已「藍剔」顯示閱讀了訊息，但截稿前仍已讀不回。至於馬明好兄弟鄭嘉穎，昨日被追問馬明婚訊時只說︰「我唔知喎，完全無聽過。（佢哋去買戒指？）唔一定結婚嘅，我都無聽佢提過，呢啲問番佢本人啦！（佢有無同你度期？）佢出聲先啦，本人講先算數嘅。」

 

黃心穎在「安心事件」後，便傳出與RubberBand鼓手泥鯭（後左）打得火熱。

 心穎曾在社交網大曬愛犬合照，亦曾被拍得與泥鯭拍拖放狗。

 

轉載自: 晴報

• 

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票