2021-11-22

處男電影戴假髮扮女人獲讚 Anson Lo盧瀚霆唔認靚女︰我覺得好核突

　　【晴報專訊】男團MIRROR成員「教主」盧瀚霆（Anson Lo）昨日現身元朗，出席首度擔正的電影《假冒女團》首映禮，吸引數百神徒（Anson Lo粉絲）到場支持。在戲中反串演出的Anson Lo，自認女人造型驚嚇︰「大家覺得我好『靚女』，可能係安慰我嘅說話。」

Anson Lo在首映禮大派招牌心心，冧得現場神徒嗌爆商場。

　　盧瀚霆昨日率領蘇皓兒（Chloe）、李靜儀（Heidi）、李炘頣（Alina）及陳紫萱（Summer），出席在商場舉行的首映禮。數百位穿上粉紅色tee的神徒在會場外吶喊支持，當偶像到場時，神徒即陷入瘋狂狀態，場面熱鬧。Anson Lo在台上透露首度拍電影的感受︰「人生無拍戲經驗，所以好緊張，今次將幾個月前努力拍攝嘅成果畀大家睇到，覺得好鼓舞。」

蘇皓兒（左二）大讚Anson Lo魅力沒法擋。

無信心吸千萬票房

Anson Lo拋下偶像包袱戴假髮扮女人，充滿女性嫵媚。（網上截圖）

　　提到戲中要耍功夫、跳舞兼扮女人，Anson Lo笑言男扮女裝最嚇人︰「我最深刻係同譚耀文對戲，佢見到我成套戲最驚嚇嘅造型，點知佢用真誠嘅眼神大讚好靚女，不過靚唔靚女好主觀，等大家定奪。」受訪時，問到可有信心《假冒女團》獲千萬票房成績，Anson Lo直言︰「我無咁嘅信心，人生首次拍電影唔奢望成績，大家入場睇已經好開心。（神徒包場支持？）多謝粉絲支持，同埋每位買飛入場嘅觀眾。」提及其女裝扮相，他笑言︰「真係好核突，但大家讚我讚得好勁，可能係安慰我嘅說話，等我唔好咁怕醜。（下次再扮？）絕對無所謂，符合劇情就OK。」

寄語神徒向炒飛說不

有神徒早上六時已到場霸位，一見教主到場即陷入瘋狂狀態。

　　另外，談及有贊助商推出首映飛連禮品套餐，有炒家竟獨立抽起門票在網上炒賣；亦有公司推出28,000元的首映套裝，Anson Lo回應︰「我唔係太清楚，都唔係第一次發生（炒飛），好希望粉絲自己衡量，除咗首映禮，其他日子都可以買飛入場支持。」至於首次做女主角的Chloe則說：「獨立發展咗幾年，都係企後面無對白，所以對今次好大期望。Anson Lo拍戲好有魅力，扮女仔好靚！」MIRROR成員邱士縉女友Alina為《假冒女團》學功夫，Heidi則期望電影成績好，可以開拍續集。

轉載自: 晴報

第九屆「傳媒轉型大獎」請投etnet經濟通一票！► 立即行動