無意第3度封視帝 鄭嘉穎︰仲爭獎就好老套

　　【晴報專訊】鄭嘉穎在劇集《星空下的仁醫》中飾演「鬍鬚醫生」大受歡迎，昨日他以「仁醫」身份出席慈善活動，與28年前同屆新人馬浚偉再聚頭。對於無綫最近重播《怒火街頭》，是否為他第三度封視帝鋪路？嘉穎直言不想再爭獎，但認同獎項相當具影響力，望鼓勵更多從未得獎的演員。

嘉穎點名希望譚俊彥或張振朗奪視帝。

　　鄭嘉穎、馬浚偉（馬仔）、鄭丹瑞和應屆港姐三甲宋宛穎、梁凱晴及邵初等昨日到又一城出席「高錕慈善基金」義賣活動，呼籲大眾關注長者腦退化的情況。嘉穎笑指周日是家庭日，因此太太陳凱琳帶同大仔Rafael到場支持，他說︰「星期日梗係family day，今次難得過海，帶囝囝周圍玩下、開心下。」

　　提到無綫現時深夜重播嘉穎封視帝之作《怒火街頭》，加上樂易玲受訪時揚言視帝、視后人選跟是否合約藝人無關，似乎為他第三度封帝鋪路？嘉穎表示︰「我仲爭（獎）就好老套㗎喇！我首先要多謝觀眾支持呢部劇集同『鬍鬚醫生』呢個角色，但我意願係想頒畀未拎過嘅演員。視帝呢個獎的確改變咗我一生，我同樣希望其他人改變一生，譚俊彥同張振朗兩個都好努力，值得鼓勵佢哋。」

馬浚偉無睇《十月初五的月光》

（左起）馬仔、嘉穎、宋宛穎、梁凱晴、邵初及鄭丹瑞昨日齊齊出席慈善義賣活動。

　　嘉穎與馬仔是同屆新人，馬仔受訪時笑言︰「28年前同嘉穎係同期新人，我哋仲係同門師兄弟，都係跟戴思聰學唱歌。最搞笑當年商台叱咤頒獎禮，男新人得我同佢兩個，銅獎仲要從缺。」對於新版的《十月初五的月光》正熱播，馬仔當年飾演的「司徒禮信」改由羅天宇擔正，馬仔直言︰「抱歉呢排真係忙到不得了，所以我無睇。我同羅天宇合作過，但我覺得千祈唔好比較，無嘢需要比較，佢哋盡咗力去演，觀眾會收到。」

轉載自: 晴報

第九屆「傳媒轉型大獎」請投etnet經濟通一票！ ► 立即行動