減肥成功搣甩師奶味 「三太」樊亦敏恨演潘金蓮

　　【晴報專訊】在處境劇《愛•回家之開心速遞》中飾演三太的樊亦敏，之前因健康問題以致身形肥胖，不過她近日以fit爆姿態回歸劇組，不少人大讚她又瘦又靚。早前她接受《星光路上》訪問，自言有三太特質︰「我講嘢好快，個腦諗嘢唔係好正常，所以做到三太。我會突然好肥，突然又瘦番，係古靈精怪嘅人。不過肥有肥靚，瘦有瘦靚，有自信就得。」

樊亦敏為健康減肥，回復纖瘦美態。

　　樊亦敏一度被定型演師奶角色，她對此毫不介意︰「我唔係偶像派，就算演師奶，角色上一定有好玩嘅嘢。」她想挑戰另類角色，「我好想做潘金蓮，我有問過監製陳維冠，我做下名妓得唔得呢？」回顧選美後入行，她的演藝生涯未算順利，雖然初出道已在《他來自天堂》做第二女主角，但因過敏症及免疫系統問題，令備受力捧的她嚴重脫髮，頭皮有三分二面積光禿禿，「最初我用僅有嘅頭髮遮啲窿窿，但風吹起就見到晒，所以要戴假髮演出。」

樊亦敏在《他來自天堂》戴假髮演出。(網上截圖)

轉載自: 晴報

想要獨家投資理財Tips？即Like etnet 全新Facebook專頁► 立即讚好