【劈炮唔撈？】「腦細你太看得起我了！」5個警號提你是時候考慮轉工

3. 對管理層失去信心

 

　　好腦細難求，而衰腦細到處都係，最難頂梗係個啲「龍門任我擺」嘅管理層啦，嗰頭明明話要「ABC」，點知過兩日就話要「DEF」，而且仲要聲大夾惡咁話班下屬唔夠靈活變通，真係「吹漲」。唔想日日跟住個患「腦閉塞」嘅腦細做嘢，搞到自己變咗做怨夫／怨婦，係時候為自己另覓新天！

 

4. 腦細有乜事都會搵你解決

 

　　以為有乜事都會搵你解決就係「睇得起」你？少年你真係太年輕啦！雖然有能力幫到腦細係一件好事，但一定要記得你求職個陣係apply一個咩嘅「專業」職位，而家你又係屬於乜「專業」部門，千祈唔好畀腦細當咗你做「萬能俠」，搞到「度橋」嘅人係你、「見客」嘅人又係你、「管數」嘅人都係你、「宣傳」嘅人仍然係你……

 

 

5. 人工永遠跑輸大市

 

　　雖然有人返工為理想，但大家始終都要面對現實：搭車、食飯樣樣都係錢，甚至仲要供養父母、買樓結婚加生仔……剛畢業出嚟頭幾年捱下都仲可以，但如果腦細貪你「夠捱得」而唔願意加你人工，就算加得再多都仲係跑輸大市嘅話，不如「好心分手」吧啦！

 

Read More：【月光族必學】外國財務大師傳授「6個戶口儲錢法」，第一步要……

Read More：【新年新開始】年尾想轉工？嚴選5大必睇求職網，搵荀工完全無難度

 

• 

夏日中暑高風險！即睇中暑迷思＋預防措施！► 立即了解

• 1
• 2