【禍從口出】不想一秒激嬲腦細？打工仔不可提的5句職場禁語

3. 「我有問題！」

 

　　作為打工仔，老細請你返嚟係解決問題，而唔係製造問題。與其下下都舉晒手大嗌「我有問題」，然後期待身邊同事、老細提供解決方案，不如自己先諗幾個可行嘅處理方法，再向人請教，如果唔係盞遲早畀人當係冗員裁走。

 

（截圖自《愛·回家之開心速遞》）

 

4. 「我以為我已經做好咗。」

 

　　接得份job，跟好份job絕對係基本要求。雖然可能有唔少打工仔會話，「忙中有錯嘛，有時唔小心做漏咗都係無可厚非啫」；但作為一個負責任嘅打工仔，就算真係自以為自己已經做齊嘢，都切忌用「我以為我已經做好咗」嚟解釋自己嘅失誤，否則激嬲老細不突止，仲會凸顯咗自己思考得不夠周全嘅缺點！

 

5. 「我唔想同XXX一齊做嘢。」

 

　　辦公室內，咩背景、咩性格嘅人都有，就算心入面唔妥某些人，都切忌明目張膽咁係人前「排斥」佢哋，否則只會顯出係你唔專業嘅工作態度，畢竟大家都只係想做好自己份工，又唔係要你同佢過人世。不過要留意，如果當中涉及性騷擾，或其他職場欺凌行為，就一定要向老細或人事部舉報。

 

Read More：【拒絕社畜命運】無人有權對「欺壓」沉默！打工仔5步應對職場霸凌

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

想要獨家投資理財Tips？即Like etnet 全新Facebook專頁► 立即讚好

• 1
• 2