博客知道，證監會從來唔會打無把握嘅仗，所謂「證監一出手，便知有沒有」，成日都聽唔少，呢次證監又出手了。

　　彭博報導，上月香港證監會對十多間金融公司及個人辦公室進行搜查，包括香港經紀商、美國承銷商的代表以及支持在納斯達克上市公司的投資者，調查主要針對有關「唱高散貨(pump-and-dump)」操作。

　　其實博客覺得唔意外，因為香港「水太清」，自從經歷過之前「謎網50」事件之後，已經甚少聽聞有大莊仲喺香港搵食，反而轉喺境外操作，特別而家香港買美股咁方便，都係搵部電腦篤手指就得，有資本更可以搵人寫程式交易，係香港又係買，係美國又係買，但係喺香港玩美股玩「唱高散貨」操作，係跟美國法例定香港法例？睇怕要交俾專業人士解答。

　　博客覺得呢一水所謂「調查」係一種警告，其實係俾散戶最後「逃生門」，同時叫你班「人頭炒家」自己醒醒定定，所以唔排除有第二輪操作。如果持有券商股，或者投資、基金類型而又係香港上市嘅股份，特別係同歐美有關，博客建議都係先套現為主。

　　就快過年啦，一個唔覺意停牌，分分鐘無錢過年，小心使得萬年船，自己睇路。

《編者按》本欄搜羅即市傳聞，惟消息未經證實，《經濟通》亦不保證內容之準確性。

《說說心理話》心理急救II：幾個徵兆辨認身邊人需要心理支援！點樣對情緒進行急救、自我照顧？專家分享穩定情緒小練習► 即睇