《魚缸博客》呢期有關於ＡＩ或者通訊股份成日都大上大落，其中一隻就係中興通訊（００７６３），食正係美國制裁已經５Ｇ通訊，同時爭奪６Ｇ話語權，炒上炒落都好正常。　　　不過市場消息就唔咁傳，漿糊傳聞最近「字節跳動豆包模型」要內嵌手機，就搵左中興通訊，之後不排除成立一個新的品牌。字節挑動豆包旗下最近推出兩個ＡＩ：ＰｉｘｅｌＤａｎｃｅ和ｓｅａｗｅｅｄ，都係類似自動生成圖片、影片、音樂類ＡＩ，用家試用反饋好似幾唔錯，如果真係搵中興做，即係橫跨行業，估值又再提高。　　　其實睇返基本面，５Ｇ已經普及，關鍵就係６Ｇ話語權究竟落係邊個身上。而家情況就係美國同歐美自己有一個聯盟研發，中國自己又搞緊一套制式，所以大機會係未來６Ｇ推出情況下，我地如果要用６Ｇ出國，分分鐘要換手機都唔出奇。　　　中興通訊基本上係中國同外國負責機站業務，雖然話就話俾外國制裁，但係技術上同價錢上都「遙遙領先」，美國就未必話採用，但英國、德國都係半開放狀態，所以都仲有希望。　　　博客建議股價回落到２０蚊樓下可以吸納，今日炒高純粹係市場消息，而且未經證實，所以預計會跌一波，到時慢慢等機會啦！反正佢中期支撐位都係１５、６蚊咁上下，就算輸都係輸小小，防守力強！　《編者按》本欄搜羅即市傳聞，惟消息未經證實，《經濟通》亦不保證內容之準確性。

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票