要保持market？首先要學會「偽單身」

 　　我沒想過他們只見一面便過電...

 

　　「成日見佢post單身、失戀野。」她爬著他的IG說。

 

　　「唔係嘛。」我失笑了。

 

　　「佢單身咗好耐啦？」她無視我的暗示。

 

　　「佢話自己單身？」

 

　　「係呀，佢話想搵個認真發展嘅對象。」她續說：「呢排成日WhatsApp我，你估對我係咪有意思？」

 

　　他認自己無女朋友？事有蹊蹺吧。身邊玩伴、女友，從不間斷，只有多，不會少，哪有單身啊？！

 

　　「佢話單身，你信呀？」

 

　　他貪玩花心、愛搞曖昧的性格，大家早就見怪不怪，玩家是這樣，當然，他不羈的情史只在朋友圈內流傳，對外慣性宣稱單身，方便覓食。今次湊巧搭上我朋友，不想當共犯的我揪出隱情，破壞他好事了。

 

　　承認自己有另一半會令人卻步，影響行情，要保持market，首先要學會扮單身，對外扮情深扮慘，FB、IG也要貫徹始終才真實，今天share感情、偽孤單寂寞post，明天有意無意透露自己單身想拍拖，少少無病呻吟可能效果更佳？！遇到新target繼續七情上面一番，加多幾句噓寒問暖，騙騙哄哄的讓人中伏，令對方落搭，沒有想像中難。世途險惡，別太天真也。

 

　　為一棵樹放棄一個森林，這是何等愚笨的行為，聰明人要維持精神和肉體利益，要左擁右抱便刻意掩飾自己的感情狀況，幾時都是單身啊。發展able的人，不理三七二十一，喜歡不喜歡、有意無意的，先納入後花園，努力集郵、擴大版圖、一個不漏、一個不少，有機會的皆可一試。保持表面單身，維持曖昧態度，等待機會進擊，玩家名言筆記啦。

 

　　貪新鮮、不專情雖然糟，但也不及偽單身存心行騙的人真無恥。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【香港好去處】etnet全新頻道盛大推出！全港最齊盛事活動資訊盡在掌握！► 即睇