【過年好煮意】新版「橫財就手」！辛香惹味「黑椒鹹豬手」，簡單易做隨時加餸！

　　星期五就是大年初一，每年準備的賀年菜式，大多離不開燜冬菇、花膠、蠔豉或是南乳燜豬手等等。今次就教大家炮製「黑椒鹹豬手」！準備功夫和做法都好簡單，只要過年前買定豬手放入雪櫃，有客人拜訪都可以隨時加餸；又或者今年想搞搞新意思的話，都可以參考一下這個過年新「煮」意，一樣出得廳堂！大家趕在大年初一前買定幾隻鹹豬手，祝願牛年事事都就手！

 

黑椒鹹豬手

 

 

烹煮時間︰ 90 分鐘

份量︰ 2人

 

材料︰ 

 

 

鹹豬手   1隻

洋葱     1/2 個 （切絲）

 

黑椒汁材料︰

乾葱蓉  2湯匙

蒜蓉    1湯匙

黑椒碎  2 茶匙

蠔油    1湯匙

老抽    1湯匙

生抽    1茶匙

紹興酒  1茶匙

砂糖    1茶匙

鮮露    1 茶匙

清水    150 毫升

 

做法︰ 

1. 鹹豬手沖洗，抹乾。

2. 燒熱鑊落2湯匙油，下豬手兩面略煎，加入過面清水煮滾，改中慢火燜煮60-90分鐘。（期間要留意水份蒸發，需自行加入熱水） 

 

 

3. 燒熱鑊落1湯匙油，下洋葱絲爆炒一會，然後加入乾葱蓉、蒜蓉及黑椒碎爆香，最後加入餘下調味料煮滾。

 

 

4. 鹹豬手加入黑椒汁內，中慢火燜煮15分鐘，鹹豬手先盛上碟。

 

 

5. 黑椒汁加入適量生粉水煮至濃稠，淋在豬手上，即成。

 

 

小貼士︰ 

如家中有高速煲，可以先將豬手用高速煲燜腍，最後才加入黑椒汁內燜煮。

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

想要獨家投資理財Tips？即Like etnet 全新Facebook專頁► 立即讚好