可愛的意大利人

　　我唔熟悉意大利人，識嘅都只係今年去歐洲足球交流時認識，他們給我的感覺都是很可愛，又十分友善，特別是對女生，與我一起去的男性朋友都話意大利男性對女性係過分熱情。其次佢哋好多身體語言，說話不停手舞足蹈，十分好笑，更重要是他們個性都好特別。

 之前在意大利交流時，感受到留地人嘅熱情。

　　我當然唔係介紹我朋友啦，講嘅係意大利國家隊兩星派路和「巴神」巴洛迪利。派路好波係人都知，原來佢本身喺意大利鋼鐵大王嘅長子，但因鍾意踢波，所以先放棄繼承生意。你可以話佢衣食無憂，當然有條件去踢波，但我反觀望身邊嘅朋友，有好多「富二代」日日只會花天酒地。有錢唔代表一定會去實現夢想，更別說是贏世界杯這種宏大理想！

　　「巴神」更喺可愛男人中的表表者。佢童年十分可憐，形成自我性格，但同時肯為證明自己而努力付出，非怨天尤人。佢愛玩，但同時又對人好好，做咗好多善事，性格是如此立體。

　　我認為真正男人就要如意大利人一樣咁性格真我，敢作敢為，這樣嘅男人最可愛。

 轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

想要獨家投資理財Tips？即Like etnet 全新Facebook專頁► 立即讚好