【狗年開工大吉】初五開工最好？小心生肖相沖！

　　狗年何時開工最好？返一至五office工的朋友今年就簡單了，因為公眾假期後第一天，即2月20日年初五，就已經是一個不錯開工吉日，吉時是上午9點至11點，fit晒，正正常常放完假返工就可以啦！但屬牛的朋友這一日就未必好適合啦，因為相沖，可以的話，揀2月23日年初八，上午9至11點開工吉時，但就輪到龍仔、龍女不合用！

　　潘師傅，兩日也不可以，還有沒有？預了你問，早一日，年初四，2月19日，上午9-11時。

　　開工吉日要做甚麼呢？吉時返到公司，開電腦、send「恭喜發財」祝賀郵件，抹枱、抹凳，買件蛋糕加沖杯茶，意味新一年步步高陞，要簽文件的就簽文件，已婚朋友就派利市，老闆就主動巡一巡，派開工利市，氣氛愉快迎接新一年。

轉載自: 晴報

【你點睇？】皇馬巴塞傳奇表演賽爆簽名會風波，26人買涉$20萬套票僅見部份球星15分鐘，你認為事件哪方須負較大責任？► 立即投票