【跟住矛盾開餐廳】四方城內嘗一碗「百變」車仔麵

　　打麻雀，既需手氣又睇章法，混一色、對對糊、小三元、大三元、十三幺…144張牌變幻無窮，樂趣無窮。麻將的哲學在於「變」，你有無想過，這理論套用在車仔麵上一樣適用。

　　鰂魚涌新開一間型格車仔麵檔，80後老闆馬浩賢（Florian）將小店裝修成麻將館模樣，取名「四方城」，店內墻壁用麻將牌裝飾，掛著特大號定制「一索」（雀仔）霓虹燈，連餐牌都改為麻雀術語，比如大三元（指定8餸）、小三元（指定5餸）、一台花（自選2餸）、混一色（自選3餸），十足玩味。

墻上掛著大號街燈，店內設計由Florian操刀

　　問到點解會將麻雀和車仔麵混搭在一起，Florian解釋：「打麻將食、碰、糊，講求組合，同一副牌可有不同的打法，睇你點佈局，食車仔麵都係一樣，同一個concept，選擇多變化也多，同一款湯底搭配唔同車仔餸，也會撞出唔同味道，哪怕每日食都唔會悶。」

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【與拍賣官看藝術】走進Sotheby's Maison睇睇蘇富比旗艦藝廊！蘇富比如何突破傳統成規？► 即睇

• 1
• 2
• 3
• 4