【蟹癡點評】精緻點心vs西式Fusion蟹粉新菜式

有驚喜！西式大閘蟹粉Crossover

　　旺角餐廳Coffee Jobs推出全新大閘蟹粉美食，全部菜式均採用非常有名的老三陽大閘蟹專門店的蟹粉，中式大閘蟹粉菜式大家就試得多，西式Crossover你又認為如何呢？

龍蝦汁燴大閘蟹粉意大利飯 $198

　　師傅首先將龍蝦拆肉，之後剩下來的龍蝦頭就用來熬製上湯，在煮意大利飯的時候，會加入龍蝦湯慢煮入味，再加入巴馬臣芝士以及牛油。大廚採用芝士牛油去代替忌廉，是因為忌廉會令整體顏色變淡，而且會蓋過龍蝦既鮮味，連呢個因素都考慮埋實在太細心啦！

　　意大利飯一入口就有強烈的芝士香味，隨之而來就係蟹粉的鮮味，品嚐到最後濃郁的龍蝦味道就湧出來，三種味道層次分明，完全冇搶過彼此的味道，實在係一個用心調配的製作！

　　意大利飯的口感剛剛好，軟硬適中，而龍蝦肉亦非常彈牙，蟹粉、龍蝦、意大利飯，三者無論色香味都配合得天衣無縫，蟹癡強力推薦！

蟹皇帶子意大利粉 $168

　　師傅首先將洋蔥、煙肉、蘑菇爆香，再加入白酒以及龍蝦湯，將味道濃縮後再放入忌廉以及扁意粉。上菜時再加上香煎帶子以及鋪滿蟹粉，擺碟別具心思！

　　意大利粉味道香濃，蟹粉配合忌廉扁意粉口感香滑細膩，龍蝦的味道相對意大利飯較淡，相反蟹粉的味道更突出，香煎帶子的效果最驚喜，能夠煎至外脆而且保留肉汁，調味亦十分出色！

牛油果大閘蟹粉沙律配炸軟殻蟹 $118

　　想吃得健康一點可以選擇沙律，蟹粉配軟殼蟹，再配牛油果、黑醋以及沙律菜，食材的配搭，確實是充滿驚喜！軟殻蟹炸得非常香脆，蟹粉淋在脆卜卜的軟殼蟹上，雙重「蟹味」更鮮甜香濃，配黑醋食的原理與香芒軟殻蟹的概念相若，能夠減淡炸物的油膩感之余，亦令整體更清新！想到以蟹粉創作沙律，大概只此一家！

Harley Quinn(小丑女) $48

　　單睇賣相已經相當吸引，飲品的概念源於熱爆電影《自殺特攻》中小丑女的代表顏色，漸變色的原理是採用了頂層藍色的碟豆花，中間透明部分的梳打，以及最底層粉紅色的櫻花味糖水，飲品更會讓大家品嚐前自行加上爆炸糖，配合小丑女「搞鬼」的性格！味道則似帶櫻花香味的檸檬梳打。

Blue Topic $58

　　Blue Topic是為一位好友設計的特調，所以亦是按那位朋友的喜好調製而成，頂層為藍柑桔糖水，底層則為青檸薄荷沙冰，當中更加入了少量的vodka，薄荷味濃，不好酒的朋友要注意啦！

Popcorn Latte $42

　　鮮奶咖啡表面放滿鹹爆谷，再淋上焦糖醬，入口散發焦糖Latte的香甜濃郁滋味，香脆的鹹爆谷浸過咖啡後口感仍然保持煙韌具咬口，輕輕的鹹香更是令咖啡的味道層次有所提升，配搭得恰到好處！

Coffee Jobs

地址：旺角廣華街3號百利達廣場地下3號舖（油麻地站A2出口, 步行約7分鐘）

營業時間：星期一至日: 10:00-23:00

《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【etnet 30周年】多重慶祝活動一浪接一浪，好禮連環賞！ ► 即睇詳情