張振朗證《堅離地》無刪黃心穎戲份

　　【晴報專訊】張振朗主演的劇集《堅離地愛堅離地》，受黃心穎「安心事件」拖累慘變倉底貨，幸好「重出生天」，將於下周一首播。《堅離地》主角張振朗及龔嘉欣昨日落力宣傳，但黃心穎未有現身，連在宣傳片及布景板上亦「被消失」。

 

張振朗昨日化身四眼戇直男。

 

　　張振朗以劇中的「宅男」造型現身，提到劇集拍完三年終於重見天日，振朗與龔嘉欣感受甚深：「套劇係我哋第一次做男、女主角，花咗好多心機去拍。」振朗更第一次獻唱劇集主題曲，所以劇集出街十分開心。

 

陳智燊重返娘家心情複雜

 

黃心穎在《堅離地》中與謝東閔、丁子朗有感情線。

 

　　問二人可有聯絡有份演出的黃心穎？他們回答時相當謹慎，振朗表示要等監製指示：「據我哋所知心穎戲份無刪到，相信佢都睇到宣傳片。」《堅離地》監製吳冠宇亦證實沒有刪剪心穎的戲份，會否通知對方出席宣傳活動？監製說：「相信公司會有人搵佢。」他指心穎在劇中是「女三」，戲份較少。

 

「聖誕女郎」劉佩玥與陳智燊大擺心心甫士。

 

　　至於同場的陳智燊（Jason）前年離巢後，昨日重返電視城宣傳劇集，他笑說：「揸車返嚟嘅時候覺得好熟悉，但係心情好似好複雜咁。呢套劇係我同TVB約滿前最後一套劇集，如果之後有需要，我都一定返嚟宣傳。」

 

轉載自: 晴報

• 

第九屆「傳媒轉型大獎」請投etnet經濟通一票！► 立即行動