辛苦操肌獲讚勁興奮 黎耀祥：以前從來無人話我大隻

　　【晴報專訊】明天便是2020年最後一天，今年人人深受疫情影響，沒有多姿多采的節目，反而多加留意身邊的大小事，上了心靈的一課。過去一年，對藝人而言，能夠突破自己就是最難忘，三屆視帝黎耀祥，為了拍劇瘋狂操肌，縱然艱辛，但獲得前所未有的讚美，令他深感滿足。

 

黎耀祥在《殺手》中自信曬肌，笑言以往從未想過身材獲讚賞。

 

　　現年56歲的黎耀祥，在無綫一眾大隻小生來說，身材當然輸蝕，但他在今年播出的《殺手》中，竟然曬出一身結實肌肉，令觀眾刮目相看。祥仔開心說：「《殺手》出街之後，大家都驚訝我原來好fit，之前從來都無人話過我大隻㗎嘛！」

 

祥仔為演《拳王》再入健身房，希望身形比《殺手》時更fit。（黑白圖片）

祥仔減磅後明顯回春，獲姚子羚大讚。

 

　　祥仔曾表示拍《殺手》時不但操肌，又要應付連場動作戲，一度講笑稱以為《殺手》是遺作：「拍完《殺手》之後，我同自己講唔會再操肌，點知依家要拍《拳王》又要再操過！」祥仔在社交網大曬操練照，留言：「對自己最苛刻的人，從來都是自己。」為了演繹過氣拳手一角，祥仔已減去超過15磅，但他坦言年紀大，操肌效果未必及年輕人，壓力非常大：「不過因為壓力，先會有推動力，令自己去做以前從來無諗過會做嘅事。拍戲畀人打我都無咁大壓力，但係除衫騷肌就無得呃人，一定要落力操，以後真係咪搞啦！」不過努力有成果，與祥仔合作拍《拳王》的姚子羚亦大讚：「我問過阿嫂之後，摸過祥哥一下，佢嘅胸肌幾有料到！」

 

王敏奕： 一圓歌手夢

 

王敏奕成為人妻後，更能專心發展事業，完成夢想。

 

　　在劇集《香港愛情故事》表現突出的王敏奕，回顧今年難忘事，絕對是一圓歌手夢想。九月時簽約星夢娛樂的王敏奕說：「希望明年出唱片，不過未有具體日子，首先我要拍完手頭上三部劇先！」她笑言會在出碟前努力裝備自己：「話晒係頭炮，想多啲時間認真去做，唔想成件事太倉卒。」

 

王敏奕簽約星夢，日後有機會獻唱劇集主題曲。

 

　　踩過界做歌手，雖然暫未能欣賞王敏奕的歌喉，但她笑說：「老公（曾國祥）好支持我做歌手！雖然我做乜，佢都會支持，不過佢聽過我唱歌，仲讚我唱得好好聽！」

 

曾國祥的絕對支持，令王敏奕更覺「無嫁錯人」。（IG圖片）

 

劉佩玥： 多咗一對「仔女」

 

劉佩玥自稱照顧BB有一手，未知何時到她生小朋友呢？（IG圖片）

 

　　劉佩玥（Moon）笑言今年最開心的，是身邊兩位好友分別生了小孩，令她榮升契媽。她在社交網分享湊B照，留言說：「既然我抱佢又唔喊又好快瞓着，不如請我做褓姆啦，最多我收平啲。＃對於bb我係有一手嘅＃或者因為我哋一樣都咁可愛＃又或者一樣咁肥」

 

　　Moon感慨表示今年因疫情關係，人人生活也有不少變化：「無論大家面對乜嘢情況都好，2020相信對於好多人嚟講，都係非常值得學習嘅一年，學識正面咁去面對唔同嘅環境。」她寄語大家要好好生活：「生活上要搵到自己嘅幸福同快樂，唔好過於執着自己嘅唔好，要學習控制情緒，同埋調節每件事嘅心態。」

 

張振朗： 在家健身練意志

 

張振朗在《機場特警》中大曬麒麟臂。

 

　　張振朗今年有五部劇集出街，包括《機場特警》、《反黑路人甲》、《使徒行者3》、《踩過界II》及《堅離地愛堅離地》，成績令人羨慕，不過今年令振朗最難忘的並非事業，反而是疫情之下，被迫留家做gym抗疫。

 

曾經是瘦弱「潺仔」的張振朗，努力下變成大隻型男。

 

　　振朗說：「呢排拍緊《拳王》，所以要練得一身肌肉，如果係以前，我一定去健身室跟教練狂操，但依家健身室要暫時關閉做唔到gym，對我嚟講好痛苦，因為要留喺屋企自己操，真係好靠意志。」他笑言幸好早年購買一套調校式啞鈴在家，終於可派上用場。

 

轉載自: 晴報

• 

【你點睇】陳美寶、羅淑佩分別被任命為運物局及文體旅局局長，你是否認同新任命有助香港鞏固物流樞紐地位及促進旅遊經濟？► 立即投票