兩星期激減18磅 鄭俊弘：千祈唔好學

　　【晴報專訊】藝人鄭俊弘（Fred）將於今晚無綫J2全新奧運特備節目《明星運動會前哨戰︰Fight盡》中，參與男子組拳擊比賽真人騷，過程有血有汗。Fred為了全力以赴，竟然在短短兩星期內極速減掉18磅，瘋狂程度連他本人亦叮囑觀眾切勿模仿。

鄭俊弘為了參與拳擊真人騷，事前特別進行地獄式減肥大計。

　　賽事分男女子組並以分級制進行，參賽藝人和歌手包括Fred、吳業坤（坤哥）、羅孝勇、關嘉敏及杜沚諾等。比賽分「58公斤」、「60公斤」、「70公斤」及「78公斤」四個組別，選手們有兩至三星期時間備戰，為爭取進入最能增加勝算的組別，他們都各出奇謀瘋狂減磅，當中以Fred的餐單及操練日程最為「地獄」。

　　Fred表示︰「啱啱開始就一日兩餐，主要食魚或者雞胸加烚菜，頭嗰個星期都有少少調味料嘅。有時我會飲蛋白粉代替正餐，加幾湯匙麥皮同香蕉打埋一齊嚟飲。最後一星期就再辛苦啲，每日只係食一餐！」同時間Fred喪操增肌，他說︰「第一個星期大概每朝練拳三小時，夜晚跑步一小時，去到最後一個星期就每日練兩次拳，再加埋跑步同跳繩。」他又謂為了成功脫水，上磅前最後兩天幾乎滴水不沾，且經常浸熱水浴去水。「兩星期落18磅係極端啲，過程都真係相當之辛苦同埋真係唔健康嘅，大家千祈唔好學。」

吳業坤獲讚狀態勇猛

坤哥（左）訓練過程中誤傷嘴唇，幸無大礙。

　　而曾成功操出健碩腹肌的坤哥，在集訓期間獲隊友及教練大讚「有態」，又被形容為擅長反撲兼突襲的「猛獸」，看來頗有勝算。明顯一日瘦過一日的坤哥，透露備戰期間以「186飲食」減肥法，成功在兩星期內減掉六公斤，「戰績」不輸Fred。本身兼具跆拳道及空手道經驗的坤哥，無論操練與甩水策略均與Fred無異，他透露除了意志力，最重要是膽量︰「要訓練自己唔怕拳頭，唔怕創傷之餘仲要識得反擊，呢個係難度。我自己意志係OK嘅，因為以前練過腹肌。」他又解釋拼搏原因，是想看看舞台上與擂台上的自己會有甚麼不一樣。

轉載自: 晴報

【你點睇？】上海有女子赴瑞士接受安樂死，引網民熱議。你是否支持安樂死？► 立即投票