港姐出埠唔簡單 朱晨麗︰台灣拍外景食到想嘔

　　【晴報專訊】《2021香港小姐競選》決賽將於周日舉行，每年港姐均設有外景拍攝，惟受疫情影響，今年參選的佳麗只能留港staycation。回想歷屆佳麗踏足歐、美、亞，甚至上郵輪拍攝，讓觀眾羨慕不已，不過一眾「師姐」坦言拍攝外景有苦自己知，即使相隔多年，依然非常難忘。

 

現在提起台灣的美食，朱朱反而食指大動。

 

　　朱晨麗（朱朱）於2011年參選港姐並勇奪冠軍，她分享當年到台灣拍外景，不斷介紹寶島美食，但她表示︰「未天光已經開始拍，起初乜都話『好好食！』之後日日係咁食，第一餐好食，第二餐已經好飽，第三餐完全唔想食，直頭想嘔！自此之後就明白飲食節目嘅主持，餐餐咁食其實都好辛苦。」

 

朱朱（右一）早前與一眾同屆港姐Re-U。（IG圖片）

 

　　問到當時每日瘋狂吃喝，不擔心影響身形？朱朱笑言︰「無擔心過呢個問題，事關每日由朝拍到晚，其實無時間坐低慢慢食，加上嗰時後生、新陳代謝快，又有做運動，根本無乜機會增磅，哈哈！」

 

朱智賢︰ 難忘希臘藍白小屋

 

　　朱智賢參選2013年的港姐競選，入圍最後20強。而20強佳麗需分組到八個地方拍攝，朱智賢幸運地抽中「第一志願」希臘，她說︰「呢個旅程最大挑戰就係一落機就即刻開始拍攝，由於每個外景地點都只有兩個佳麗，所以我同partner要互相照顧，化妝、set頭都要自己一手一腳搞。」

 

朱智賢指自己最喜歡希臘米克諾斯島的景色。

 

　　雖然機程逾20小時，但朱智賢形容希臘的美景和藍白小屋十分漂亮，讓她覺得多辛苦都值得，「嗰次真係大開眼界，我同自己講將來一定要重遊舊地，甚至要去返當地影婚紗相；最嚮往就係每朝打開窗、望住個海，聽住海浪聲化妝。」

 

去年捲入桃色風波的朱智賢，最近獲無綫解凍。（IG圖片）

 

陳庭欣︰ 帶半喼水去印度

 

Toby回想印度之行也大呻辛苦。

 

　　2010年香港小姐冠軍陳庭欣（Toby），當年遠赴印度拍攝外景，她說︰「最難忘要喺50幾度高溫下拍外景，又熱又辛苦，但當時每日都拍差唔多23個鐘，得番一個鐘畀我哋沖涼，我哋匆匆忙忙梳洗完，又要再去第二個地方。出發去印度之前仲要打三支針，帶咗半個喼都係支裝水，始終真係唔敢飲當地嘅水。」

 

　　另外，由於印度人主要食咖喱，對本身不嗜辣的Toby是一大考驗，不過她笑言︰「我哋根本連食嘢時間都未必有，所以就算自己唔食辣，都要夾硬食啲嘢落肚。」

 

日前34歲生日的Toby，獲一眾好友輪住與她慶生。（IG圖片）

 

高海寧︰ 為免費去加勒比海參選

 

　　高海寧（高Ling）2008年參選港姐時，TVB大手筆地安排佳麗坐郵輪，暢遊加勒比海，並到墨西哥拍外景，聽起來已十分吸引。高Ling笑謂︰「我諗呢世人都無乜機會去加勒比海，當知道港姐外景拍攝係去嗰度，我就即刻報名，我真係為咗個trip㗎咋！」

 

高Ling笑言參選港姐的最大收穫，是贏了一趟加勒比海旅行。

 

　　問到十多日的外景拍攝是否辛苦？高Ling說︰「反而唔覺得辛苦喎，十幾日最多係着泳衣，日日都係着泳衣影相，影到啲記者朋友都話唔再影，哈哈！其實我哋每日朝早八點起身，慢慢化個妝，夜晚就睇個騷、食個飯，拍攝過程幾舒服。」

 

高Ling最近在《七公主》的演出獲劇迷大讚。（IG圖片）

 

轉載自: 晴報

• 

【你點睇？】以伊衝突升級，北韓派兵增援俄羅斯，你會否擔心世界發生大規模戰爭？► 立即投票