計劃帶仔女去泰國歎世界 黎瑞恩邀黎諾懿同行一齊玩

　　【晴報專訊】黎瑞恩（小恩子）和黎諾懿昨日出席新編粵劇《呂布情傾貂蟬》新聞發布會，小恩子透露女兒快將高中畢業，正計劃與子女赴泰國旅行歎世界，更游說黎諾懿結伴同行，但黎諾懿聞說回港要隔離14日，立即耍手擰頭。

黎諾懿和黎瑞恩異口同聲表示有旅行癮。

　　由資深傳媒人彭美施偕文化界同業合力籌辦的《呂布情傾貂蟬》，將於12月12日及明年2月26、27日，假西九文化區戲曲中心大劇院演出三場，並由新一代文武生王志良和花旦林穎施擔綱演出。昨日發布會獲羅家英、呂良偉、薛家燕、黎瑞恩及黎諾懿等撑場，相當熱鬧。愛唱粵劇的小恩子，表示最喜歡粵劇服飾及造手，但同時要背很多台詞，她自嘲年紀大擔心忘記台詞。黎諾懿則表示小時候十分期待看神功戲，問他可有興趣唱粵劇？他笑說：「我講嘢太多懶音，要學咗講嘢先再學粵劇。」

薛家燕分享八歲時扮貂蟬的蝦碌場面，令呂良偉忍俊不禁。

呂良偉約甄子丹過聖誕

　　小恩子透露計劃一家赴泰國旅行叉電︰「阿女考完個試就升大學，我哋打算去個幾兩個月旅行，玩番夠本先，拉下個旅行喼都開心。」黎諾懿在旁說︰「我個喼都好耐無拉過，唔知係咪封晒塵。」小恩子即邀請他結伴去泰國，但黎諾懿竟面有難色︰「我會死㗎，如果要隔離14日，我個仔會日日六點叫我起身，我會變人乾！」同場的呂良偉早前由內地回港，但出席發布會後即趕返內地開工，他表示︰「今次太太唔陪我上去，我希望趕得切12月返港同太太過聖誕。咁啱甄子丹聖誕都會返港，可能約埋喺香港或者三亞見面。」

轉載自: 晴報

【你點睇？】當局料聖誕新年期間逾1300萬人次出入境，較去年同期大增。你對本港聖誕新年市道是否有信心？會否出境旅遊？► 立即投票