鮑起靜江美儀同獲提名 郭柏妍︰可唔可以雙視后

　　【晴報專訊】郭柏妍昨日綵排《歡樂滿東華2022》滑板表演，柏妍憑《下流上車族》提名台慶頒獎禮「最受歡迎電視女角色」、「飛躍進步女藝員」及「最佳女配角」三個獎項，她開心表示︰「真係好多謝，完全無諗過，全靠驄哥（林敏驄）、鮑姐（鮑起靜）同美儀姐（江美儀）嘅加持，令大家留意到我。」提到成為飛躍女藝員大熱，她表示會抱平常心，「邊個攞獎都戥佢哋開心，車芊芊得到大家接受已經贏咗。」

柏妍排練踩滑板時不慎跌損膝頭。

　　至於鮑起靜和江美儀同憑《下》劇提名視后，問柏妍會投票給哪位？她一臉為難︰「手掌係肉，手背又係肉，佢哋都係我心目中嘅視后，可唔可以雙視后呀？」另外，江美儀近日分享舊照，被網民指與柏妍撞樣，柏妍說︰「好開心呀，除咗外貌之外，我都想有美儀姐嗰種演員嘅精神同態度。」

轉載自: 晴報

【你點睇？】以伊衝突升級，北韓派兵增援俄羅斯，你會否擔心世界發生大規模戰爭？► 立即投票