【五個不能犯的錯】天天寫，都會寫出一封失禮的email？

　　寫email，係每個打工仔嘅日常工作！但原來天天check、天天寫，都會寫出一封患有「尷尬癌」嘅email？！等小編即刻同你細數五個寫email不能犯嘅錯誤！

 

1. 寫錯收信人或公司名

 

　　相信大家都一定試過將「ok」打咗做「pk」send畀人，然後勁尷尬咁秒send多句「sorry，手快打錯字」吧？其實手快打錯字真係人之常情，但如果喺email度打錯人哋個名或公司名，咁又係咪send句「手快打錯字」就可以零尷尬收場？小編有件真人真事想同大家分享下，話說有日Emily收到封由PR send嚟嘅email，於是佢打開嚟睇，竟然發現對方係上款寫咗句「Dear Email」！之後點？當然係笑到Emily成班同事gap gap聲，仲話以後一定會記得「send Emily畀Email」！

 

 

2. 內文一堆標點符號

 

　　I am so happy to see you!!!!!!!!!! >< >< ><

　　Thxxxx~~~ <3 <3

 

　　雖然用一堆（表情）符號係好可以表達到自己嘅情緒，但記住email唔係whatsapp，行文用字切忌太熱情呀！

 

3.「不寫標題」或「將內容都寫在標題」

 

　　寫email，標題一定要簡而精！千祈唔好諗住貪方便就唔寫標題（唔係人人都知你想講乜），又或者將所有內容都寫晒係標題度，咁樣好易令人捉唔到你封email嘅重點，跟手略過唔睇㗎啦！

 

4. 複製貼上的信件內容，但忘了修改內文

 

　　打工仔一日要send「N封」email畀人，當中一定有完全相同或者大體相似嘅內容。喺呢個時候，copy and paste就派上用場啦！但最緊要係唔好錯誤copy埋收件人，仲要修改返好正確嘅日期、受信人嘅姓名、職銜！

 

5. 冇署名

 

　　一封email寫得再好，但如果冇署名嘅話，收信人真係唔知你姓甚名誰！而且咁樣仲好冇禮貌添！

 

• 

【你點睇】內地旅客赴港澳購物免稅額提高，你認為能否幫助促進本港旅遊消費？► 立即投票