做「和平球迷」少互抽

　　大家好，第一次係「睇波LU」同大家講下波，希望大家多多指教！其實我係四年前成為和富大埔隊嘅足球大使後，先開始對足球產生興趣，算是個新手球迷。

董嘉儀（大埔Lulu)

　　我睇波之後，發現球迷都分好多種，冇特別球隊喜好，好波就睇嘅普通球迷；只愛一隊嘅死忠球迷；邊隊贏波就撑邊隊嘅勝利球迷；每逢到大賽先會睇波嘅臨時球迷等。

　　而球迷間嘅口水戰，互相攻擊都係習以為常。但我一直搞不懂，大家睇波支持愛隊都已經花盡心機，點解還有時間去「抽其他隊水」？沒有臨時球迷，又點會有長期球迷？

　　世界杯周五就到了，我鼓勵大家一齊做「和平球迷」，無論你支持邊隊，有幾耐波齡都好，全心全意享受世界最高水平賽事和全城足球狂熱氣氛，少點互相抽水，開開心心睇波先最爽！

轉載自晴報

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

【etnet 30周年】多重慶祝活動一浪接一浪，好禮連環賞！ ► 即睇詳情