【成功訣竅】做Marketing就係同「未來」談戀愛

　　Marketing就係一門「談及未來」嘅藝術，你每日幫公司諗緊Business Plan 同Marketing Plan，都係估計緊未來將會發生嘅事情，而安排相對嘅工作。先由分析目標客戶嘅Behavior，計劃幾個月後嘅Promotion Plan，生意上長線嘅Business Plan，其實都係一個「Generation嘅轉變」。

 

 

　　用「Generation」去描述好似好抽象難明，但只要大家細心留意身邊嘅事物就唔難理解。其實每個行業 / 生意都係由一個「Generation」演變另一個「Generation」。舉個例，當年好多學生哥去聚腳嘅仙跡岩餐廳，可以叫做第一代引入「台式」＋「快速小吃 / 飲品」＋「大杯裝飲品」＋「悠閒Cafe」嘅公司。

 

　　其後幾年發展非常之快，好多marketers開始將仙跡岩4大Core Business Model 分別地發揚光大，「大杯飲品」＋「悠閒cafe」成行成市，但失敗嘅多，成功嘅少，現今最成功都應該係Starbucks 同 Pacific Coffee，而「大杯飲品」嘅成功例子應該係貢茶同ShareTea（我估）。而「悠閒Cafe」嘅第二個Generation就變成樓上cafe，最初只提供遊戲機叉電服務俾你玩遊戲機，其後亦有提供Card Game，近年又演變成樓上主題Cafe/Party 同埋樓上Playground。當然由仙跡岩 > 樓上Cafe > 樓上Playground，每一個Generation 中間會有不同嘅變化，亦有好多打回頭嘅案例，但從呢個過程中，見到Marketers睇中客戶消費模式嘅轉變，從而打造出下一個Generation嘅營銷策略。

 

　　唔單只係Marketer，早年外國亦有一個大約十多人嘅小組織，佢哋聯合咗不同範疇嘅專家，當中有心理學家、歷史學家、神學家、哲學家、科學家等，每隔一段時間佢哋就開會一次，目的係大家一齊從不同角度分析「未來」，睇下幾年至幾十年後呢個世界會有乜嘢變化。

 

　　早年wifi仲未咁盛行嘅時候，我哋估計再過多10-20年後全世界所有地方都會有免費wifi，不論係地面每一個空間，還是係好深好深嘅地底/ 隧道/ 潛艇，以至天空上嘅飛機同穿梭機等，每一個角落都會有wifi用，而當呢件事真係發生，成個營銷生態就會慢慢被改寫，呢一個先係上網 3.0 / 4.0。除咗網絡供應商要改變其生意模式外，到陣時全世界人嘅GPS就會變成營銷工具，所有事情都真真正正變成7x24，「互聯網」可能慢慢變成一個世界性嘅「超級內聯網」，亦因為咁全世界大剖份人都冇私隱可言，到陣時除咗Biometric Identification公司帶來新衝擊之外，仲有會為好多不同公司同Business Model 帶來一個新景象。

 

 

　　好似講到好遠、好深奧咁，但其實一個成功嘅Marketing方案就係同其他人「鬥遠」，只要你望得比人遠，早人一步計劃，就係成功嘅開始。工作上能夠計劃得愈遠嘅人，人工就愈高 ; Marketing上計劃得愈遠嘅公司，發展就愈成功。

 

　　做Marketing 就好似日日係度同「未來」談戀愛咁，只要你愛上未來，成功就指日可待～ 

 

 

 《經濟通》所刊的署名及／或不署名文章，相關內容屬作者個人意見，並不代表《經濟通》立場，《經濟通》所扮演的角色是提供一個自由言論平台。

• 

【與拍賣官看藝術】東南亞藝術市場是下一個熱點？一探各地獨特及吸引之處！► 即睇