2021-04-14Photo: 由作者提供

朋友無事常相見，好舖無事常幫襯！間中要去一次的港日美食小店「家後」！

　　除非你過去一年住在火星或木星作長期家居兼人類隔離，否則絕對無可能不知道深水埗已變成全港至潮地帶，各式各樣的小店舖如小餐館、咖啡店、精品店、唱片舖、日式甜品店、中古物品舖、手工藝Workshop、小型藝術展場相繼冒起。有些店舖去過一次半次就緣盡，有些卻令人好想翻尋味，間中總要去一次幫襯下，其中一間就叫做「家後手工餃子」。

　　驟眼瞄瞄，家後像很多的太子和深水埗店舖，都是出售自製的餃子，但再看看餐牌，發現除了有達8款水餃口味，竟然還有日式飯團、日式炸雞、自製炸肉丸，再加上鮮大腸羹、鹹水豬大腸、麻辣雞腎、紅燒豬手，以至日式手作芝士蛋糕和日式焦糖布甸，你的腦海裡會不期然在想：「媽呀！好亂呀！又港式又北方又日本，我究竟去咗乜嘢地方呀！」

　　原來陳老闆是香港人，父母負責各式食品，加上日籍太太主理甜品，便構成港日家庭料理路線。樣樣食品叫一點，跟在座朋友邊分吃邊閒聊，竟然有一種在日本或台灣居酒屋用餐的感覺，甚至有點在西班牙街坊小舖食Tapas之感，只可惜店家沒有供應酒精飲品，下次BYOB自己帶Sake過來囉。