• |
  • 極速報價
  • |
  • etnet專輯
    etnet專輯
  • 會員
  • 產品服務 / 串流版
  • 設定

11/09/2020

委員會主席選舉,建制高度設防

  • 加入最愛專欄
  • 收藏文章
  • 馬天娜

    馬天娜

    畢業後第一份工就係返金鐘,在職場輾輾轉轉,又回到了起點,而金鐘更由當年嘅商業中心,變成為香港權力核心。身為金鐘人,最鍾意就係收盡權力核心外圍同內圍嘅風,識破所有政客嘅語言偽術。

    立會透視鏡

 

  仲有大約一個月時間,「新一屆」,唔係,應該係「新一年」嘅立法會就會開鑼。按照慣例,同一屆(每四年)嘅立法會,除咗大主席嘅位唔會郁動之外,所有委員會嘅正副主席,每一年都需要重新由委員會成員互選產生。對於2019至2020年立法年度嘅主席選舉,我相信各位讀者應該都歷歷在目。

  

  咁多年以來,委員會互選主席本來就係「行禮如儀」。以前建制同泛民有偈傾嘅時候,每邊都會坐低講下邊個委員會由邊個議員做正副主席,一般都係一個建制一個泛民,之後就每年正副調位,務求大家都有得坐正。

  

  但自從佔中之後建制泛民一路交惡,建制人多之下,大部分重要嘅委員會,基本上都已經無咗泛民坐上主席檯嘅歌仔唱。去年更加因為反修例事件引發一連串社會運動,泛民喺議會設立「戰綫」作出抗爭,同街頭抗爭配合,喺立法會最重要嘅一個委員會—內務委員會燒火頭,原主席民建聯李慧琼角逐連任內會主席,交由原副主席公民黨郭榮鏗主持選舉,結果郭把持選舉足足大半年,引發港澳辦和中聯辦罕有咁發聲明炮轟,最終大主席梁君彥要引用外間法律意見先將郭拉下主持選舉職務,最終李慧琼「順利」當選。

  

  建制好早已經賽後檢討,當日就係無諗過泛民玩得咁盡興,無搵多個建制後備選主席,令到李慧琼獲提名之後,硬要由郭榮鏗主持選舉。雖然最後內會正副主席都係建制派擔任,分別係李同埋馬逢國,嚟緊再選應該唔會有任何差池,但係多個事務委員會仍然有泛民做副主席嘅影蹤,「郭式主持」仍然有可能再次發生。

  

  據聞建制派大黨多位首腦已經碰頭商討,如果泛民全體留任之下,點樣避免有關情況再次發生,因為首次畀人突襲成功都勉強可以話責不在我,但如果再次發生,建制派都真係難以向西環交待。建制派首腦商討過後,已經列出高危委員會名單,更加建議所有上年做緊主席嘅,為大局今年全部唔好冧庄,由其他建制議員頂上,咁樣「原主席」就可以負責選舉,以免重蹈覆轍。但由於建制首腦預期有個別「主席」都幾戀棧主席一職,所以呢個初步方案都仲未得到全體建制派嘅共識,如果真係有「主席」唔聽勸,最終可能要由更高層次嘅領袖介入。目的都係得一個:「大局為重」!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

【香港好去處】2025去邊最好玩?etnet為你提供全港最齊盛事活動,所有資訊盡在掌握!► 即睇

我要回應5

你可能感興趣

版主留言

我要回應

登入

發表回應

登記

成為新會員

回應只代表會員個人觀點,不代表經濟通立場

  • 只看作者回應
  • 查看全部回應
  • 順序
  • 倒序
  • 無住發表於 2020-9-15 10:22 AM via app
  • #6
  • 其實有多少件“蔡英文衛生巾”被台灣當局秘密扣押,扣押多久,基于甚麽法律,最後是長期包養他們或丢進垃圾焚化爐,灰渣用來填海,香港大部分人對此是不大關心的,所以香港政府也是循例發函問過就算,因為稍為熟悉台灣情况的外人,都清楚了解當地的所謂人權法治,真實情况是甚麽一回事。

    香港人對此事唯一求神拜佛最關心的是:千祈,千祈,千祈唔好把他們遣返香港!
  • 回覆 | 引用 | 舉報
  • 無住發表於 2020-9-15 09:39 AM via app
  • #5
  • 冷眼看世情…
    過去二十多年,香港人轉哂口味嗜好玩意識形態,籠裏雞互鬥,结果令社會空轉,原地踏步,一事無成…。
    但有意無意中卻齊心合力,共同打造了一件百分百Made in Hong Kong 的獨有産品,專供台灣免費使用,品牌名為“蔡英文衛生巾”。
    香港人如此益街坊,都算有創意兼唔話得咯…。
  • 回覆 | 引用 | 舉報
  • jeansun發表於 2020-9-14 01:03 PM
  • #4
  • //如果泛民全體留任之下//
    是否已預示民調的結果?XD
  • 回覆 | 引用 | 舉報
  • 無住發表於 2020-9-14 05:35 AM via app
  • #3
  • 冷眼看世情…
    ~當國泰和港龍宣布不會再申請保就業補助,意味有可能裁員,業界員工馬上跳出來要求公司要有“企業社會責任”不要裁員。
    反修例初期,航空從業員當中不少人罷工,癱痪機場,高呼攬炒!難道他們只是支持攬炒别人,自己不會被炒?!
    ~12棄保潛逃變囚徒,一班所謂家屬與反對派議員見記者,要求港府協助引渡囚徒回港受審。難道他們忘記了攪“反修例”,理由就是反對與大陸簽訂徒犯引渡條例。暫且撇開12囚徒在大陸所犯何事,那麽這些人基礎甚麽法例要求港府去談引渡?
    ~台灣當局原来已秘密扣押5個偷渡黑暴曱甴兩個多月,有如人間蒸發。若非有台灣記者踢爆,港人全不知悉。這就是港人响往的台灣自由法治人權了…。
    此事香港局內人金主攪手,曱甴家屬手足,反對派議員不可能不知,那為何两個多月秘而不宣,蒙面家屬和議員不開記者招代會要求台灣當局放人?!
    國安法實施後,在台當局眼中黑暴曱甴已無價值。這些爛頭卒,已成棄子!
    最新角色已轉為“蔡英文姨媽巾”了。
  • 回覆 | 引用 | 舉報
  • 逍遙子發表於 2020-9-13 10:25 AM via mobile
  • #2
  • 已有前車之鑑,當初都不肯聽冼師傅之提議:
    那且是完全根據立法會章程之法律來執行的提議;
    從根本上來解決問題!
    好了,結果要去請外來的律師解決問題。

    現在又是同樣的老問題!還是不肯放下身段,聽取最有効最根本的建議;
    不知道律政司是在做什麼的?網上的建議就是不肯聽,也應該看看清楚:
    香港是藏龍卧虎之地,別以為“官“是最出色的人才!
  • 回覆 | 引用 | 舉報
  • 只看作者回應
  • 查看全部回應
  • 順序
  • 倒序
最緊要健康
精選文章
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ