綠在屯門｜循環新生嘉年華

活動簡介

你有冇回收嘅好習慣？你又知唔知道廢棄物回收完會去咗邊呢？

今個6月份「綠在屯門」配合「全民回收日」作為主題，為大家準備咗循環新生嘉年華，希望提高大眾對可持續發展和零廢堆填嘅認識，探討每種回收物嘅處理工序，及循環再造嘅可能性，藉此鼓勵大家於日常生活中實踐乾淨回收及惜物減廢嘅綠色生活。

當日嘉年華活動十分豐富， 有 #免費二手市集，仲有益智又具挑戰性嘅攤位遊戲，考驗你對環保回收嘅認識，玩完仲有豐富獎品等緊你拎走！當然唔少得一直深受歡迎嘅 #升級再造 #環保工作坊，由導師教授大家將廢物及廚餘重新利用！另外，我哋會舉辦「電器時光機」展覽，帶你穿越時空﹐回顧電器嘅演變歷程，讓大家認識廢電器回收嘅重要性與正確處理方式，為地球減輕負擔！ 

仲有唔好錯過今次嘉年華限定嘅特別版 #尋牛記 我哋會於站內不同角落貼上問答遊戲牛牛圖，只要大家回答問題後，向工作人員出示所有問答遊戲結果嘅截圖，即可按收集到嘅結果截圖數量，換領對應嘅精美禮品一份，當日仲會有「大嘥鬼」親身到場同大家影相㗎！記得嗌埋朋友仔同屋企人一齊嚟玩啦！

小編喺度提提你，而家參加嘉年華仲可以儲分換禮物㗎！只要於一場嘉年華中參與最少兩項活動；或於一場二手物收集活動中提交不少於2公斤二手物，並即場與當值職員完成登記，即可獲得1分「額外賞」積分每階段累積滿2分「額外賞」積分，即可換領禮品。

*每階段需要儲滿至少3分「基本獎勵」積分後，先可以解鎖「額外賞」獎勵 

「上一堂．儲一分」積分計劃詳情：https://shorturl.at/hCd2N

玩得開心，又可以儲分換禮物，快啲Mark低以下日子，到時見喇！

活動：「電器時光機」展覽、環保工作坊、免費二手物市集、攤位遊戲及「尋牛記」特別活動

「上一堂．儲一分」積分計劃：參與嘉年華中最少兩項活動，並即場與當值職員完成登記，即可獲得1分「額外賞」積分，詳情請參閱：https://shorturl.at/hCd2N

⚠注意事項：

1. 如有發燒或身體不適，請避免前往「綠在屯門」。

2. 活動期間需按職員指示排隊輪候。

3.  8歲或以下兒童須由家長陪同參與工作坊，並共同完成同一份製成品。

4. 環保工作坊材料由「綠在屯門」提供，活動採用即場報名方式（先到先得，額滿即止）；每名參加者須親身在指定位置排隊等候，並依照排隊次序進行報名。

5.  每節工作坊會於活動前20分鐘開放排隊輪候及報名。

6. 免費二手物市集只會派發，不會進行收集活動。