3/　波蘭地道小食冠軍－波蘭餃子

　　波蘭克拉科夫消費指數，比一般歐洲熱門城市低一截。習慣一邊煮嘢食、一邊背遊的我，也忍不住「出街食」多幾餐！

　　首先推介的，是波蘭地道小食冠軍－波蘭餃子（Pierogi）！可煎可烚，除了傳統的肉饀，又有士多啤梨味、芝士味、磨菇味、藍莓味，我點的是脆卜卜混合煎餃，一份有10隻，5隻豬肉味、5隻蘑菇味，味道與港式煎餃相近，但每隻份量大得多，饀料更實在，餃子皮比較厚身、有咬口，更飽肚。再配上炸香的洋葱煙肉碎，齒頰留香。

　　除了傳統街頭小食，原來，克拉科夫人民熱愛雪糕的程度，尤如香港人熱愛珍珠奶茶一樣，雪糕屋比便利店還要多，每隔兩、三間舖，就有一間大型新鮮雪糕屋，裏面售賣至少十幾廿款口味。在倫敦、巴黎街頭買雪糕，普遍 HKD$20-30 / 支；在克拉科夫，盛惠HKD$15，還有四款任選口味！

　　在旅館，結識了兩位來自以色列的美少女，我們一見如故，同遊四天！最後一晚，她們指定去吃日本菜，還叫我教她們拿筷子的正宗手法。深深體會到，吃的不止是食物，還有文化、情誼、回憶。