【寒底慎吃】大閘蟹是「發物」兼寒涼，吃過量小心濕疹惡化流膿周身痕！

　　近期又到大閘蟹當造時節，愛蟹人士開懷暢食，坊間不少食肆推「放題」，有人接連食10多隻，但小心禍從口入！有中醫指出，大閘蟹性寒，亦是「發物」，本身「寒底」或患皮膚病、胃虛等人士，食後易暈眩、胃脹，更有濕疹患者試過食後患處「流膿水」，甚至全身起風癩，籲饞嘴人士應留意個人身體狀況慎食，並要留意進食時的食物配搭，避免「寒上加寒」。

除了皮膚病患者外，腸胃功能本身較差、脾胃虛弱、個體虛寒等人亦不宜食用大閘蟹。（iStock）

　　大閘蟹非人人啱食。註冊中醫師許懿清表示，除了一般長期病患如心臟病、膽固醇過高人士不宜進食外，從中醫角度，大閘蟹屬寒涼的「發物」，腸胃功能本身較差、脾胃虛弱、個體虛寒等人亦不宜食用；另皮膚過敏、濕疹人士進食後更容易加重病情，甚至刺激病發。

忌配寒性食物同吃

中醫許懿清

　　她指，曾遇過本身沒有濕疹人士，在進食大閘蟹後突然「成身起風癩、爛晒」，亦有濕疹康復者食後患處突然「流膿水」，痕癢難耐；另本身屬「寒底」人士，因體弱或因一併進食如苦瓜、西瓜等同屬寒涼之物，致「寒上加寒」、血氣不足，繼而出現暈眩等徵狀。

　　但即使本身屬健康人士，食用時亦應小心配搭。許醫師稱，由於大閘蟹性寒，進食時應避免進食柿、梨、冰水、啤酒等同樣寒性食物，並可在餐後飲用紫蘇薑茶等中和；又強調大閘蟹膏極高膽固醇又高蛋白質，極難消化，食用時應「一隻起兩隻止」，否則食得多易因消化不良，造成口臭、胃病，甚至因抵抗力下跌而惹上風寒，屆時就會「又屙又嘔又傷風」，得不償失。

營養師葉俊言

　　大閘蟹膏濃厚，不少正值減重人士進食時或感「邪惡」。但資深註冊營養師葉俊言指，雖然大閘蟹內有不少膏，但當中平均每隻5至6両重的大閘蟹，僅含267毫克膽固醇，僅「多一隻雞蛋少少」，熱量亦僅約150卡左右，且屬高質素的蛋白質類別，即使是減肥人士，間中食幾隻也不怕肥。

蟹宴菜式隨時致肥

　　惟不少人享用「蟹宴」時，或會一併進食蟹粉小籠包、臘味飯等菜式，則需留意。葉俊言提醒，以上菜式多以牛油、雞湯烹調，飽和脂肪高，亦含較高澱粉質，容易致肥，建議食用大閘蟹時應配搭蔬菜、糙米等高纖及優質原型澱粉。