【榴槤放題】2. 兩個半小時任食多個榴槤品種、榴槤山打卡兼抽機票 —Pier 1929

　　位於灣仔碼頭2樓的Pier 1929本身環境已夠IG-able，加上餐廳經常與航空公司和旅遊局搞crossover推出特色下午茶，更為注目。來到7月，Pier 1929便與馬來西亞旅遊局和AirAsia合作，將餐廳變身成「Monster Durian異想世界市集」，更推出2.5小時榴槤效題！

Monster Durian異想世界市集供大眾免費入場，當中有多個打卡。

　　Monster Durina異想世界市集開放給大眾免費入場，當中有各大充滿馬來西亞風情的美食和飲品攤位，別錯過在震撼的榴槤山前打卡！而榴槤控期待的榴槤放題，極之吸引。每位$680可於2.5小時內無限任食多款由馬來西亞彭亨州直送的時令榴槤，包括最具人氣的貓山王。全部榴槤每日樹上熟即時收果，24小時內新鮮空運到港。另外，放題亦包括每人一份鹹甜點，包括D24榴槤芝士脆撻、D24榴槤菠蘿油、山竹石榴無酒精雞尾酒啫喱、榴槤朱古力、馬來西亞喇沙榴槤蝦夕士、榴槤吞拿魚他他墨西哥薄餅、D24榴槤炸波波配辣肉腸。

2.5小時內無限任食多款由馬來西亞彭亨州直送的時令榴槤，包括最具人氣的貓山王、黑刺和D101等。

榴槤形狀三層架上放滿D24榴槤甜品，打卡一流。

D24榴槤菠蘿油外層內creamy，榴槤甘香一咬爆發。

　　有得歎榴槤之外，更有獎抽。預訂Pier 1929「Monster Durian榴槤放題」的食客，可玩遊戲贏取AirAsia香港來回吉隆坡雙人機票（名額4個），及多款由馬來西亞旅遊促進局（香港分局）送出的特色禮物，包括榴槤頸枕和榴槤斜挎包等，為旅行再作準備！

「Monster Durian馬來西亞檔槤放題」

供應日期及時間：7月18日至28日 12nn-2:30pm（第一場）、4pm-6:30pm（第二場）、7:30pm-10pm（第三場）

價錢：$680／位，另收加一服務費

Monster Durian異想世界市集

地點：Pier 1929中庭

開放日期及時間：7月18日至28日 12nn-10pm

入場費：免費

Pier 1929

地址：灣仔灣仔碼頭2樓

電話：3188 9677

下一頁：榴槤王子主理！榴槤自助早午餐：食5個矜貴榴槤品種 + 榴槤鹹甜點