觀塘海濱活動空間01｜觀塘中秋繽紛嘉年華

活動簡介

由《觀塘民政事務處》贊助、《觀塘區文娛康樂促進會》主辦，一年一度嘅【觀塘中秋繽紛嘉年華2026】，將會喺9月19日(六)晚上6時正舉行，今年移師至「觀塘海濱活動空間01」，以更寬敞場地同更多新元素，陪大家歡度中秋。

今年，我哋準備左一連串的精彩表演，邀請到多個《全港公開舞蹈比賽》嘅得獎隊伍，帶來精彩既舞蹈作品；亦邀請到兩位《中年好聲音》百強參賽者， 現場獻唱動人旋律；另邀請到香港著名魔術師，亞洲近景魔法大賽冠軍Alex Ng，帶來連串的驚喜魔術；當然不少得傳統的變臉演出，一瞬之間，變幻莫測，保證大家大飽眼福。

我哋仲加入全新匹克球體驗，活力滿滿，等你挑戰，好動既你，記得要過黎大展身手。同場仲有多個傳統手工藝工作坊，比大家親手體驗傳統工藝，帶走獨一無二嘅紀念品，滿滿收藏價值。

費用全免

精彩節目：

全港公開舞蹈比賽 得獎隊伍表演流行曲獻唱

Buskering 

魔術表演

川劇變臉

同場設有燈謎遊戲，比大家猜猜燈謎，贏取精美獎品

快啲約埋朋友，9月19日一齊嚟打卡、玩樂、感受節日魅力！