我邊聽他滔滔不絕，邊處於半遊魂狀態。

　　「佢性格好難頂，我頂唔順佢啲態度。」他充滿怨氣。

　　「好唔OK咩？」

　　「平時已經成日發脾氣，又鬧交，仲要管住晒，去邊要交代，check我電話……」

　　「我見你地之前好sweet，換晒合照㗎。」我嘗試忍笑。

　　「佢逼我轉㗎，我都唔想。」

　　他們一起不夠一個月便分手，最頂癮的是，剛一起時很曬愛，WhatsApp、Facebook、IG通通換成頭貼頭合照，現在卻怨是對方逼他。

　　繼續圍繞前女友有多差，經典評價如下：

　　「我帶佢見朋友，打麻將打得夜，佢又話要早走。」

　　「如果打得夜，佢想走先都正常丫。」

　　「我打緊麻將㗎嘛，佢話要走，好唔識做囉。」

　　誰是誰非呢，打麻將打到如此自私還理所當然，他又何嘗是個易相處的好男友，服了。

　　一起時該有過美好時光，當時的好都不值一提嗎？怎麼過後逐樣數落前女友，批評、埋怨、多方面負評、又煩又好笑。都是她脾氣差，又不溫柔體貼，都是她錯，自己無問題，受害人形象鮮明，賺到夠多同情分喔。

　　訴苦可以，請一句起兩句止，聽得多會悶死人的。把對方的事繪形繪聲，抖出來四圍講，數完有好過嗎？感情沒有單方面的對錯，對方未夠好，也記得檢討自己有幾好。埋怨太多會令人反感，分手請分得體面。

　　相愛過，手亦分，就無謂多言了，不怨不恨，很難嗎？