不同菜系在香港各有代表，順德菜應有獨特地位。早在呀爺呀嫲年代，已有句「食在廣東，廚出鳳城」。

　　今次沒有遠赴別稱「鳳城」的順德，在香港吃老品牌「鳳城酒家」。「鳳城」有兩派，也不是秘密，食客可以自由選擇幫襯邊間。今次冇叫「大良野雞卷」和「炒鮮奶」，比較廣東風味。

　　先來「淮山杞子雞腳燉螺頭湯」$228，在盛夏中為身體貢獻滋潤湯水。

冷盤小食「燻蹄海蜇」$168

通透的「滷水牛展」$68

「手抓BB豬」$380 （半隻，要預留） 

　　今次不點斬件上枱的，要原隻堂剪，就是要食得夠豪邁。

　　酒樓阿姐即場將乳豬剪開一塊塊，食客當然也直接用手抓來吃。一剪一吃都有手套提供，不用擔心衞生和雙手肥膩。我覺得手抓來吃，有令乳豬更好吃呢！

　　皮脆鬆化芝麻皮，阿姐姐亦細心地剪走肥膏。整體而言，這道乳豬值得點。

$298 有「上湯龍蝦伊麵」，再加「欖角豉汁蒸啜魚」

　　啜魚在吃順德菜的地方常見它的芳蹤，屬魚米之鄉順德的出產。啜魚頭大身細又多骨，所以又叫「縮骨大頭魚」，聽上來不太好對付，魚肉卻嫩滑清甜，魚身脂肪多，肉質隨烹調過程愈加滑嫩，也沒有一般河鮮的腥膩感，加上欖角和豉汁調味，好吃。

「污糟雞」$138（半隻） 

　　平常菜式會改一個吸引或好意頭的名字，這道菜偏反其道而行，明明唔污糟又要叫污糟雞……用大頭菜、冬菇等材料和雞一起蒸，雞件入味，吸收醬汁材料精華，雖是冰鮮雞，肉也滑的。

最後「清炒西蘭花」$88，「蒜蓉菜心」$78，今次沒有叫「焗西米布甸」

　　以前富有人家會僱順德馬姐，順德菜固然成為他們的味覺記憶，其實來吃吃「堂剪乳豬」，也有不錯的水準實力。

「鳳城酒家」

地址：上環安泰街7號康威花園地下

電話：2815 8689

營業時間：星期一至日: 07:00- 00:00