4 海南雞專門店 每粒飯都充滿油香

　　早有耳聞太安樓內臥虎藏龍，比如這一間海南雞專門店，小編我認為比新加坡當地的更惹味。中午時間多數店鋪仲未開門營業，整個商場內人流唔算多，但這檔海南雞飯卻排起人龍，有學生哥、周圍街坊，還有附近返工的OL。 

　　$25一碗海南雞飯連湯或糖水，$33可轉為雞脾飯，在早餐都要$25的年代，呢個價格已贏到掌聲。落order後，師傅手起刀落三兩下已將雞斬件，鋪在油飯上，再快速加入黑豉油、自家調製的酸辣醬汁及薑蒜蓉，配上兩片青瓜。

　　一碗份量唔算多，但勝在雞肉香滑入味，而且每粒飯都充滿油香！唔知唔覺食晒一碗！男士們可考慮$5加底。

邪惡指數：3

美味指數：5

地址：太安樓商場A32B號舖