灣仔美食推介 | 4. 新景園咖喱小廚：大牌檔起家開到英國！超巨型咖喱豬扒飯連Wyman都大讚

　　於1979年開業至今，由最初的大牌檔小店，到現在春園街的店舖，有超過40年歷史。招牌美食是咖喱豬扒飯，豬扒size勁大，甚至可以把白飯遮蓋，但炸漿很薄，火喉控制得很好，非常酥脆，肉不會嚡口，配合香料及椰汁味香濃的咖喱，以及煮至軟腍入味的薯仔，十分美味！去年第二代於英國曼城開設分店，就連Wyman黃偉文都特登花來回8個鐘由倫敦開車去幫襯：「以前喺香港要定期食（有守規矩排隊，老闆娘冇X），而家嚟到英國，見返當年幫我落單嘅老闆仔，超級溫暖（佢嗰日專登早開門三粒鐘，招呼趕住返倫敦嘅我，好感動。）」除了堂食，他更買了4盒外賣返倫敦慢慢食！

大大件的炸豬扒，酥脆可口，配香料咪濃的咖喱，非常惹味，食到清碟一粒飯也不會留低！

（圖片來源：FB香港茶餐廳及美食關注組@ Fif Chan）

店外長期都有人龍，不過大家都吃完即走，所以都不會等太耐。

（圖片來源：FB香港茶餐廳及美食關注組@ Fif Chan）

Wyman今年5月於Facebook表示，開車去Manchester，除了為睇黃耀明演唱會，有一半原因是去現場食「新景園曼城到會」咖喱豬扒飯。

（圖片來源：FB香港茶餐廳及美食關注組@ Fif Chan）

新景園咖喱小廚

地址：灣仔春園街20號地舖

營業時間：11:30am-2:30pm、6:30pm-8:30pm，星期日休息

電話：2574 9172

下一頁：筲箕灣名店安利副線！必食秘製切腩魚片撈粗、魚蛋魚片河！