手長腳長加軟綿綿body，令花名「奸夫」的Craftholic公仔攬枕迷倒萬千少女，變成梗有一隻喺屋企。據說，「奸夫」來自Craft星球，可隨意變換可愛外形，聽講連台灣人氣女子組合S.H.E.的Hebe都是粉絲。

原價$309的大攬枕，場內售價$247。

全場八折

　　捕捉潮流，一田百貨找來Craft星人登陸荃灣店，7月20日至8月2日開設Pop-Up Store！「奸夫」除了大、中、小size攬枕外，仲有好多產品如拖鞋、睡衣等。一田Pop-Up Store全場八折之外，仲率先發售Merci系列及床品，Craftholic最新床品Valentine Craft床笠連枕袋最平由349元起，等粉絲可以瘋狂掃貨。

　　最吸引，應該是再度出現的Craftholic夾公仔機！Pop-Up Store開店期間，每日早上十時至下午九時，入20蚊可以夾公仔一次，考你運氣同眼界。一眾男士要氹女友，看來要練習一下夾公仔。如果自問眼界、運氣都不錯，就不要錯過7月25日同8月1日的免費試玩時段，早上十時開始派籌，下午三至可夾公仔，每日100個名額，每個籌限玩兩次。

 Craftholic夾公仔機快閃推出。

　　7月20日至8月2日期間，買Craftholic產品滿$300，可獲贈Craftholic指定公仔1隻，滿$500可獲贈指定公仔一對。