請注意題目是揀工，並非搵工。

　　未知勞工市場近月是否太興旺，我的廣告公司想請個高級客戶經理，招呼D「高級」即高難度客戶，招聘了一個月，雖未至水靜河飛，但網上飛來的應徵信，真有點「九唔搭八」嘅感覺。應徵者有學術銜頭多多，而商場經驗完全欠奉的博士、也有無厘頭的工程師、秘書、倉務員、補習老師……等。

　　所以我的結論是，現在可能是人揀工，非工揀人！

　　現實中也真有朋友來問我：揀邊份工好？

　　揀外資、中資定港資公司呢？

　　答案就在掌中！

（左）從月丘開始的事業線，有利開戰與外資有關的事業。　

（右）大部分事業線由手腕向中指延伸。

　　這位青年才俊手上的事業線(由手掌下方往中指的線)非常清晰秀麗，表示事業走勢佳妙。而特別之處，是這線由月丘開始(大部分事業線由手腕向上延伸)，  由於此丘代表遠方、旅遊……等，這人的工作會與外國、跨國公司、外地產品、國際貿易和鬼佬老闆等有關。

　　有這條線的人，無論脾氣、性格、行事作風都「鬼鬼地」，因此與鬼佬鬼婆老闆很合拍，與海外客戶亦極啱Key。其性格外向，說話較直接，傳統的中國人未必頂得住佢。

　　其好處是愛惡分明，無意掩飾，你唔駛話佢。而且由於性格率直，敢於爭取，亦善於表現自己，在跨國集團或外國公司往往出人頭地。

　　但弱點是容易向老闆直言，與同事爭拗，因為他堅持自己的原則，認為真理在他那邊，就是老闆也毋須妥協，同事更要據理力爭，所以有時會「唔識撈」。又由於對中國傳統的人情世故，佢一唔明、一唔贊成，常有「唔知掟」的問題。因此容易陷入人事漩渦。

　　有這條事業線的人，事業成就不凡，但易惹麻煩，適宜從多角度去看公事，尤其是從對方的角度來看，又對高層及平級的行政人員，在溝通時要稍微包裝下，唔好一拳砌過去！雖然噴血嘅係佢唔係你，但你會發現自已也在血泊中，都要執手尾架，何必呢?