「死喇!死喇!救命呀!」朋友在電話中尖叫。

　　「死因係乜?」我問。

　　「我坐緊係個死位度!」

　　「風水上有財位、有病位，好似冇死位噃!」我抓哂頭。

　　然後問:「你係邊門邊派?」

　　「我鬼識咩!」

　　「咁係有人同你開過風水盤?」

　　「冇。」

　　「咁係點知係死位?」

　　「車!上手坐呢度個個人真係死咗嘛，咁仲唔係死位?」

　　一番盤問，原來他坐的地方，對正附近大廈的尖角，這樣日夜射住，點會唔變片皮鴨丫!

　　遇上這個難題，最徹底的辦法當然是搬離兇險位置啦，若果環境不許可，也袛可以暫時頂住，例如落簾、用海報遮住、用櫃擋住等，也可以同時放一大樽安忍水，但這樣尖削銳利的磁場，實非血肉之軀可以承受，早走早著。

　　換句話說，不是人該坐的地方!

　　這是外面大宇宙的尖角威脅，其實在家居或辦公室內，都應避開尖削物體。

　　所以凡是朋友裝修新居或舊宅，我都提醒他們最好把傢俬的尖角磨成圓形，例如桌、櫃、床等，一來免成人或小孩無意撞到受傷，二來免了風水上的威脅。

　　又凡是尖削的形狀都不是好東西。

　　一次有一位同事突然進了醫院，還不是個小手術。

　　探病時問她近來家中有沒有動土，或異常的事情發生，她說隔壁大廈要裝修外牆，她的睡房剛巧受竹棚影響，有許多竹枝的尖削口對住她的床。

　　所以我們要對周遭的環境敏感，遇到有不尋常的尖削物射住，便要注意了，否則變了人肉魚蛋，任篤!