按盤價 
《魚缸博客》好耐都未見過有公司派股份，對上次聽都係煤氣派紅股，不過呢次係美的置業
（０３９９０），集團公布，建議以實物形式向該公司股東分派房地產開發及銷售業務，擬將房
開業務內部重組，由私人公司持有，按每股獲派一股私人公司股份，並將向選擇不接受私人公司
股份的股東提供現金替代，每股支付５﹒９元，比上周五（２１日）收報３﹒７５元溢價約
５７﹒３３％。
其實用常人去理解，美的置業呢一招其實係「壯士斷臂」，皆因內地房地產開發都係一潭死
水，所以將本身房開業務，改歸不上市的「美的建業（英屬維京群島）有限公司」，令美的置業
可以「輕裝」小小；難聽啲講句，假若第日做唔住，都係另外一間公司執，而牽涉唔到美的置業
。
呢個時候，今日股價急升六成幾，仲有無得升真係好難講，不過現金派得＄５﹒９，中午收
市先升得兩個幾，肯定仲有水位。
不過接落來嘅問題係，究竟你想要獎金定獎品？如果你問我，係呢個時勢點係都要獎金著數
好多，畢竟拎左堆股份都唔知有乜用，等佢派息？可能等到天荒地老囉。
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet健康網購 | 6月限定優惠【送：明目藍莓精華36:1】乙樽► 火速行動
